«Кар бабай»

Мин ясаган кар бабайга
Бөтен урам сөенә.
Чөнки ул#nbsp;чын кеше кебек
Сөйләшә, җырлый белә.
Я#nbsp;кинәт көлеп җибәрә,
Скрипка сыздыра;
Я#nbsp;ул#nbsp;сандугач шикелле
Чут та#nbsp;чут сайрап тора.
Матур итеп шигырь укый,
Мәзәк сөйләп көлдерә,
Хәтта һава торышын да,
Бер көн алдан белдерә!
Бу#nbsp;кар бабайны ясавы
Кыен булмады һич тә:
Нәни транзисторымны
Куеп калдырдым эчкә!