«Мин кем малае?»

Мин#nbsp;— әтиемнең малае,
Ике кулымда һөнәр.
Балтасы да, пычкысы да
Минем кулыма күнәр.
Мин#nbsp;— әниемнең малае,
Оялчан да, юаш та,
Минем өчен савыт-саба
Юылып куйсын башта.
Мин#nbsp;— дәү әнием малае,
Камыр басарга ярыйм.
Кич белән көтү каршылыйм,
Көндез бәбиләр карыйм.
Мин#nbsp;— дәү әтием малае,
Акыллы да, тыйнак та.
Сүзләрем сибелеп ятмый,#nbsp;—
Тырыш та#nbsp;мин, җыйнак та…
Нык тамырлы нәселемнең
Бик күп уңай яклары!.. -
Миндә яши милләтемнең
Иң асыл сыйфатлары!