Гаиләдә иҗади гадәт-традициялар
Гаилә дискотекасыБию кичәләрен җомга көнне яки ай ахырында үткәрергә мөмкин. Күп кенә балалар һәм өлкәннәр биергә ярата. Тагын да кызыклырак — гаилә биюен булдыру һәм өйрәнү. Ир белән хатын ачуланышканда, ир якынлаша һәм бии башлый икән, димәк, тынычланырга вакыт
Дөнья халыклары кухнясыБу традиция гаиләнең һәр әгъзасына үз кулинария сәләтен күрсәтергә мөмкинлек бирә. Мәсәлән, айга бер тапкыр милли кухня кичәләре үткәрегез. Бергәләп пицца, пилмән, солы печеньесы яки салат әзерләгез. Какао яки морс ясагыз
ФотосессияАны елның һәр вакытында яки бәйрәмнәрдә оештырырга була. Профессиональ фотографка язылыгыз яки гаилә әгъзалары үзләрен фотограф ролендә сынап карасын. Фотоларны бастырып, коллаж, презентация яки альбом итеп ясасагыз, тагын да шәбрәк!
Тематик көнМәсәлән, сәламәтлек көне. Ул актив иртәнге зарядка һәм сәламәт иртәнге аш белән башланырга мөмкин. Аннары ачык һавада уйнау яки велосипедта йөрү, паркта йөрүне планлаштырыгыз. Ярышлар оештырыгыз һәм бүләкләр уйлап табыгыз
Туган көнгә квестТуган көн бүләген яшерергә һәм карта төзергә кирәк. Аның ярдәмендә, гади биремнәрне үтәп, бүләкне эзләп табарга тиешсез. Һәрбер бирем-җавап кадерле бүләккә якынлаштыра!
Хәтерләр йомгагыМоны яңа ел бәйрәмендә эшләү бик күңелле! Гаиләнең һәр әгъзасы тукымага, ватманга яки обой кисәгенә маркер белән узган елның иң якты хатирәләрен язсын. Рәхмәт сүзләре дә язарга була. Еллар узгач, бу язмаларны карау бик кызык булачак
Җомга бүләгеТагын бер иҗади эш — җомга кичендә бер-берегезгә открытка-тәбрикләмәләр ясау. Бу очракта шедевр ясау түгел, ә үз хисләреңне җиткерү мөһим. Гаиләнең барлык әгъзалары да тәбрикләмә ясарга теләмәскә мөмкин, бу очракта теләге булганнарны гына җәлеп итегез. Тәбрикләмәләрне җыеп барыгыз. Еллар узгач, бу - гаилә мирасы булачак