«САФ балачак» - халык авыз иҗаты
бишек җырлары
Әлли-бәлли итәр бу...
*Әлли-бәлли итәр бу,
Йокыларга китәр бу,
Йокыларга киткәчтен,
Бик дәү булып үсәр бу.
*Әлли-бәлли ит, улым,
Карлыгачым-былбылым,
Тыңла минем сүземне,
Йә, йом, бәгърем, күзеңне.
*Әлли-бәлли бәбкәсе,
Кая киткән әнкәсе?
Бигрәк елый бәбкәсе,
Нигә кайтмый әнкәсе?
*Ау, балам, вау, балам,
Сине бишеккә салам.
Йокла, йокла тынычлап,
Бәхетле бул, багалмам.
*Әлли-бәлли итәргә,
Ал#nbsp;бишеге бар аның.
Өзгәләнеп тирбәтергә,
Үз әнисе бар аның.
*Әлли-бәлли бәү итә,
Кызым йокыга китә.
Кызым йокыга киткәч,
Әнисе кайтып җитә.
*Әлли-бәлли бәбкәсе,
Кая киткән әнкәсе?
Каенлыкка җиләккә,
Бәбкәсенә бүләккә.
*Әлли итәргә кирәк,
Бәлли итәргә кирәк,
Әлли иткәч, бәлли иткәч
Йоклап китәргә кирәк.
*Әлли-бәлли, бәүкәем,
Җан йөрәгем, нәнкәем.
Рәхәт кенә тынычлап
Йоклап китәр бәбкәем.
*Әлли итәр бу#nbsp;бала,
Бәлли итәр бу#nbsp;бала.
Әткәсенә, әнкәсенә
Хезмәт итәр бу#nbsp;бала.